کورونا کے 7 ہزار 978 نئے کیسز رپورٹ، مزید 29 افراد انتقال کر گئے
اسلام آباد (92 نیوز) ملک بھر میں کورونا کے وار جاری ہیں، گزشتہ 24 گھنٹے کے دوران 7 ہزار 978 نئے کیسز رپورٹ ہوئے جبکہ مزید 29 افراد انتقال کر گئے۔
Statistics 30 Jan 22:
Total Tests in Last 24 Hours: 64,016
Positive Cases: 7978
Positivity %: 12.46%
Deaths :29
Patients on Critical Care: 1455
نیشنل کمانڈ اینڈ کنٹرول سینٹر کے مطابق ملک بھر میں کورونا کے مثبت کیسز کی شرح 12.46 فیصد تک پہنچ گئی ہے۔ ملک بھر میں ایکٹو کیسز کی تعداد ایک لاکھ 5 ہزار ہوگئی۔
پنجاب بھر میں کورونا کے وار جاری ہیں، گزشتہ 24 گھنٹوں کے دوران مزید 2212 افراد موذی مرض کا شکار ہو گئے جبکہ 12 افراد موذی مرض کیخلاف جنگ لڑتے ہوئے جان کی بازی ہار گئے۔ پنجاب بھر میں اس وقت مثبت کیسز کی مجموعی شرح 9.0 فیصد ہے۔
خیبرپختونخوا میں گزشتہ 24 گھنٹے کے دوران کورونا وائرس سے مزید 2 مریض انتقال کر گئے۔ محکمہ صحت کے مطابق خیبرپختونخوا میں کورونا وائرس سے مزید 1961 افراد متاثرہوئے جبکہ کورونا وائرس کے پھیلاؤ کے پیش نظر شہید بینظیر بھٹو ویمن یونیورسٹی تاحکم ثانی بند کردی گئی، آن لائن کلاسز ہونگی۔
کراچی میں مثبت کیسز کی شرح 21 اعشاریہ 67 فیصد ریکارڈ کی گئی، لاہور میں 19 اعشاریہ 30، اسلام آباد میں 14 اعشاریہ 77 فیصد ریکارڈ کی گئی۔ راولپنڈی میں مثبت کیسز کی شرح 16 اعشاریہ 07 جبکہ فیصل آباد میں 12 اعشاریہ 41 رہی۔
میر پور میں 13 اعشاریہ 77 فیصد، کوئٹہ 10 اعشاریہ 21، گلگت 19، ایبٹ آباد میں 12 اعشاریہ 73، مردان میں 16 اعشاریہ 74، صوابی میں 13 اعشاریہ 05 رہی۔