ملک میں کورونا وائرس کے چھ ہزار 137 نئے مریض سامنے آ گئے
اسلام آباد (92 نیوز) کورونا وائرس کے وار جاری ہیں۔ ملک میں چھ ہزار 137 نئے مریض سامنے آ گئے۔
این سی او سی کے مطابق گزشتہ 24 گھنٹوں میں کورونا وائرس سے 28 افراد زندگی کی بازی ہار گئے۔ کورونا کے مثبت کیسز کی شرح نو اعشاریہ چھ سات رہی۔ ایک ہزار 649 مریضوں کی حالت تشویشناک ہے۔ کورونا کے مثبت کیسز کی شرح 9.67 رہی۔
Statistics 5 Feb 22:
— NCOC (@OfficialNcoc) February 5, 2022
Total Tests in Last 24 Hours: 63,413
Positive Cases: 6137
Positivity %: 9.67%
Deaths :28
Patients on Critical Care: 1649
ادھر کورونا ٹیسٹ کی پریشانی ختم ہو گئی۔ اب شہری گھر پر ہی کورونا ٹیسٹ کر سکیں گے۔ ڈرگ ریگولیٹری اتھارٹی نے کورونا ٹیسٹ کی "اوور دی کاؤنٹر " کٹ فروخت کی اجازت دے دی۔ کٹ باآسانی میڈیکل اسٹورز اور فارمیسز پر دستیاب ہو گی۔ ڈرگ ریگولیٹری اتھارٹی پاکستان نے نوٹیفکیشن جاری کر دیا۔